„КРАЈ НА ВОЈНАТА ВО УКРАИНА БЕЗ РУСКА АГРЕСИЈА“ НЕ ПОМИНА ВО ОБЕДИНЕТИ НАЦИИ
24/02/2025 21:51
На третата годишнина од руската инвазија на Украина, САД не успеаја да добијат одобрување од Генералното собрание на ОН за својата резолуција со која се повикува на крај на војната без споменување на руската агресија. Наместо тоа, Собранието ја усвои украинската резолуција поддржана од неколку земји членки на ЕУ, каде се бара Русија веднаш да се повлече од Украина. За европската резолуција, САД гласаа „против“. И САД и Македонија гласаа воздржано за нивната Резолуција откако беа прифатени неколку амандмани на документот поднесени од неколку европски држави.
На резолуцијата поднесена од САД и коспонзорството на Македонија беа поднесени неколку амандмани, а дел од нив беа поддржани. Откако амандманите беа прифатени, Македонија и други земји како на пример Бразил, Кина, Аргентина… беа водржани, а против гласаа САД, Русија, Унгарија, Белорусија, Израел…
За Резолуцијата на Украина, поддржана од неколку земји членки на ЕУ, гласаа 93 држави, 18 беа против и 65 воздржани. Ова е помалку од претходните гласања, кога повеќе од 140 земји ја осудија руската агресија.
Гласањето за изменетата американска резолуција заврши со 93 гласа „за“, 8 „против“ и 73 воздржани. Украина гласаше „за“, САД се воздржаа, а Русија гласаше „против“.
Заменичката амбасадорка на САД, Дороти Шеа, изјави дека повеќе претходни резолуции на ОН, кои ја осудуваа Русија и бараа повлекување на руските трупи, „не успеаја да ја запрат војната“, која „се одолжува премногу долго и со ужасни последици за народот во Украина, Русија и пошироко“.
На третата годишнина од руската инвазија на Украина, САД не успеаја да добијат одобрување од Генералното собрание на ОН за својата резолуција со која се повикува на крај на војната без споменување на руската агресија. Наместо тоа, Собранието ја усвои украинската резолуција поддржана од неколку земји членки на ЕУ, каде се бара Русија веднаш да се повлече од Украина. За европската резолуција, САД гласаа „против“. И САД и Македонија гласаа воздржано за нивната Резолуција откако беа прифатени неколку амандмани на документот поднесени од неколку европски држави.
