Србија воведува ред во образованието, Србија со закон се брани од „образовната окупација“ на ЕУ
23/09/2025 21:12
Поранешниот министер за култура, Владaн Вукосављевиќ, реагираше на изјавите на европската комесарка за проширување Марта Кос, која најави дека ЕК внимателно ќе ги следи измените на Законот за учебници во Србија.
Кос изрази загриженост, за тоа дека предложените амандмани може да влијаат врз конкуренцијата на пазарот, нагласувајќи дека ова прашање е значајно и во контекст на преговорите за членство на Србија во ЕУ.
Но, според Вукосављевиќ, овие реакции се показател за „двојниот стандард“ на ЕУ. Тој потсети дека издавачите од Словенија, Хрватска и други земји одамна имаат целосен монопол на српскиот пазар на учебници, кој се проценува на околу 100 милиони евра годишно.
„Европската комисија не гледа проблем кога странските издавачи владеат со целиот пазар, но изразува загриженост ако државата Србија преземе дел од издавањето учебници по предмети како српски јазик, историја или географија“, изјави Вукосављевиќ.
Тој додаде дека државата мора да воведе ред и да спречи коруптивни практики, како награди, бесплатни подароци и патувања што странските издавачи наводно ги користеле за да влијаат врз наставниците.
„Учебниците се премногу важни за образованието за да бидат оставени на логиката на профитот и монополите“, нагласи Вукосављевиќ, додавајќи дека е време Србија да воспостави транспарентни правила и еднакви услови за сите издавачи.
