Трајановски: Повеќе резултати, помалку изговори, решение за гимназијата „Никола Карев“
16/10/2025 12:14
Кандидатот за градоначалник на Скопје од партијата ГРОМ, Александар Трајановски, најави решавање на долгогодишниот проблем со недостиг на паркинг простор кај гимназијата „Никола Карев“.
„Гимназијата ‘Никола Карев’ е единственото средно училиште во градот кое нема сопствен паркинг простор. Нашето решение предвидува изградба на паркинг со капацитет од 50 до 70 возила во рамките на самата гимназија“, објави Трајановски на својот Фејсбук профил.
Тој потенцира дека со оваа инвестиција значително ќе се релаксира сообраќајниот метеж во Лептокарија, особено во утринските и попладневните часови кога учениците пристигнуваат и заминуваат од училиштето.
„Повеќе резултати, помалку изговори“, порача Трајановски, нагласувајќи дека фокусот на неговата програма е на конкретни решенија кои носат видливи придобивки за граѓаните на Скопје.
