Лукоил под притисок на американските санкции, ја продава својата меѓународна филијала на Гунвор
30/10/2025 11:46
Рускиот енергетски гигант „Лукоил“ соопшти дека прифатил понуда од компанијата „Гунвор“ за продажба на својата подружница Lukoil International GmbH, која управува со странските средства на групацијата.
Одлуката доаѓа откако компанијата оваа недела најави дека ќе се ослободи од меѓународните средства поради новите американски санкции воведени против Русија во врска со војната во Украина.
Според соопштението на Лукоил, „клучните услови на трансакцијата беа претходно договорени од двете страни, а компанијата се согласи да не преговара со други потенцијални купувачи“.
Од Гунвор потврдија дека се во преговори со Лукоил за можноста да ги преземат странските средства на рускиот нафтен концерн.
Планираната продажба се оценува како најзначајна деловна реакција досега од руска компанија по новиот бран западни санкции воведени како последица на конфликтот што започна во февруари 2022 година.
![policija-mvr[1]](https://mkinformer.com/wp-content/uploads/2021/05/policija-mvr1.png "Во Дебар се предлага организирање на вoopyжени гpaѓански стpaжи")