Македонија ќе игра бараж против Данска за пласман на СП 2026 – во евентуално финале повторно гостуваме

Македонската фудбалска репрезентација ќе се соочи со селекцијата на Данска во првиот бараж-меч за пласман на Светското првенство 2026 кое ќе се одржи во САД, Канада и Мексико. Ждрепката во Цирих ја одреди оваа комбинација, а дуелот е закажан за 26 март 2026 година.

Нашата репрезентација влегува како аутсајдер во овој меч, бидејќи се најде во последниот – четврти шешир, додека Данска е селекција од најсилниот, прв шешир.

Доколку Македонија направи изненадување и го добие баражот со Данска, следи уште еден, решавачки натпревар на 31 март 2026 година, против подобриот од дуелот Чешка – Ирска. И во можното финале од баражот Македонија ќе биде гостин.

Нашиот национален тим ги заврши квалификациите со тежок пораз од Велс (7:1), што го постави на третото место во групата и ја одреди најниската позиција во ждрепката.

Други полуфинални бараж-дуели во Европа

Патека 1:

• Велс – БиХ

• Италија – Северна Ирска
  (Победниците играат меѓусебно за место на СП)

Патека 2:

• Полска – Албанија

• Украина – Шведска
  (Победниците играат меѓусебно за место на СП)

Патека 3:

• Словачка – Косово

• Туркије – Романија
  (Победниците играат меѓусебно за место на СП)

Share on Facebook

Tweet

Follow us

Save