Камери има. Софтвер има. Пари се потрошени. Но… ЗАКОН НЕМА.
Проектот „SAFE CIYT“ е школски пример како државата прво троши милиони, а дури потоа се прашува дали тоа што го купила воопшто смее да го користи.
Министерството за внатрешни работи набави скап софтвер за автоматско казнување, иако во моментот на купување, а ни денес, македонското законодавство не препознава ваков начин на санкционирање.
Тоа не е технички пропуст. Тоа е ПРАВЕН АПСУРД.
⚖️ ТЕХНОЛОГИЈА ПРЕД ЗАКОН? Казните што треба да „пристигнуваат по пошта“ се темелат на систем кој нема јасна законска подлога. Со други зборови, државата инвестирала во механизам кој не смее да се активира, а ако се активира, ќе падне на суд.
Секој адвокат ќе ги собори казните како доказ прибавен без соодветна правна рамка.
💰 20 МИЛИОНИ ЕВРА ЗА СИСТЕМ ШТО НЕ СМЕЕ ДА РАБОТИ Преку договори за „одржување“, „надградби“ и „поддршка“, во SAFE CITY се вбризгани меѓу 15 и 20 милиони евра јавни пари. Дел од договорите се доверливи, а најголем дел од средствата завршуваат кај истите, добро познати ИТ-Компании.
🖥️ КОЈ ГО КОНТРОЛИРА СИСТЕМОТ? Локалните компании се изведувачи, но „мозокот“ е странски алгоритам за препознавање таблици и лица од корпорации кои во дел од западниот свет се под забрана поради безбедносни и шпионски ризици. Македонија, очигледно, нема проблем со тоа.
👁️ ПРИВАТНОСТА КАКО КОЛАТЕРАЛНА ШТЕТА Системот има капацитет за препознавање лица. Камерите веќе снимаат, а институциите што треба да ја штитат приватноста, реагираат постфестум. Прво се поставуваат камери, па потоа се пишуваат правила. Тоа не е европски пристап, тоа е ИНСТИТУЦИОНАЛНА ИМПРОВИЗАЦИЈА.
🚫 КАЗНИ НА „СТАКЛЕНИ НОЗЕ“ Ако од 1 февруари 2026 навистина почнат да се испраќаат казни, без итни и суштински законски измени, државата ќе влезе во правен хаос. Наместо безбедност во сообраќајот, ќе добиеме лавина судски процеси и уште една финансиска штета, овојпат преку обесштетувања.
SAFE CITY не е проблем на технологија. Тоа е проблем на одговорност. И прашањето останува: кој ќе одговара за 20 милиони евра потрошени пари без закон?
