Одземени лиценци на шест компании за медицински канабис, најавен нов закон

Министерот за здравство Азир Алиу на прес-конференција во Владата соопшти дека на шест компании им се одземени лиценците за одгледување канабис за медицински цели поради утврдени сериозни неправилности во работењето.

Одлуката се однесува на компаниите „Алфафам“, „Грин лајф“, „ЦБД Медплант“, „Лајф Плант“, „Атафарм“ и „Канабидоис“. Владата ја донела одлуката врз основа на наоди од извршените инспекциски контроли.

Утврдени неправилности

Според министерот, при контролите биле констатирани:

• несоодветно складирање на сув цвет,

• нецелосно и недоследно известување до надлежната Комисија,

• недоставена документација за продажба и трансфер на производите.

Досега се извршени контроли кај 13 компании, а во наредниот период ќе бидат опфатени сите 43 правни субјекти што поседуваат лиценца за одгледување канабис за медицински цели во државата.

Најава за нов закон

Министерот најави и подготовка на ново законско решение, кое ќе следи по завршување на сите контроли.

Според него, во постојниот закон биле детектирани слабости што овозможуваат злоупотреби, па новото решение ќе биде усогласено со европските директиви и ќе содржи појасни и построги правила за работа на компаниите во оваа област.

Share on Facebook

Tweet

Follow us

Save