Џо Кент поднесе оставка: Израел не вовлече во војна со Иран, а не беа закана за САД
17/03/2026 18:32
Џо Кент поднесe оставка од функцијата директор на Националниот центар за борба против тероризмот. Како причина ја наведе својата спротивставеност на војната со Иран.
Тој јавно го повика Доналд Трамп да го смени курсот. Притоа, оцени дека Иран не претставува непосредна закана за САД.
Џо Кент поднесе оставка и испрати остра порака до Трамп
Во својата објава, Кент напиша дека администрацијата на Трамп влегла во војна под притисок од Израел и, како што наведе, од неговото силно американско лоби.
Според него, претседателот бил наведен да поверува дека Иран е директна опасност за Соединетите Држави. Кент тврди дека тоа било лага.
Воедно, обвини дека високи израелски функционери и влијателни американски новинари ширеле дезинформации. Според него, со тоа била поткопана и политиката „Америка на прво место“.
Ветеран со силно безбедносно искуство
Џо Кент е ветеран од американските специјални сили и поранешен припадник на ЦИА.
Во јавноста е познат и по личната трагедија што ја доживеа. Неговата сопруга Шенон Кент, техничар за криптографија во морнарицата, беше убиена во самоубиствен напад во Сирија во 2019 година.
Подоцна, Кент двапати беше републикански кандидат за Конгрес од државата Вашингтон. Сепак, не успеа да биде избран.
After much reflection, I have decided to resign from my position as Director of the National Counterterrorism Center, effective today.
I cannot in good conscience support the ongoing war in Iran. Iran posed no imminent threat to our nation, and it is clear that we started this… pic.twitter.com/prtu86DpEr
Во објава на X, Кент напиша дека до јуни 2025 година верувал оти Трамп разбрал колку скапо ја чинеле Америка војните на Блискиот Исток.
Тој посочи дека тие конфликти однеле патриотски животи и ја ослабеле американската економска сила.
Осврнувајќи се и на својата воена служба, Кент порача дека не може да поддржи испраќање нови генерации во војна која, според него, нема никаква корист за американскиот народ. Џо Кент поднесе оставка.
Големи човечки и финансиски последици
Според ирански извори, од почетокот на воздушните напади на САД и Израел врз Иран до 11 март биле убиени повеќе од 1.300 луѓе.
Во исто време, американски воени претставници пред Конгресот соопштиле дека само првата недела од војната со Иран ги чинела САД околу 11,3 милијарди долари.
Би-би-си, во меѓувреме, побарала коментар од Белата куќа за оставката на Кент.
Џо Кент поднесe оставка од функцијата директор на Националниот центар за борба против тероризмот. Како причина ја наведе својата спротивставеност на војната со Иран.
