Артан Груби останува во куќен притвор со полициско обезбедување
23/04/2026 9:53
Артан Груби останува во куќен притвор со 24-часовно полициско обезбедување, откако Кривичниот суд го прифатил барањето на Обвинителството за продолжување на истата мерка.
Од Обвинителството за „Фокус“ потврдиле дека побарале продолжување на мерката за обезбедување на осомничениот. Судот го прифатил тоа барање, па поранешниот вицепремиер и министер и натаму ќе остане во домашен притвор.
Груби се врати во земјава на 23 февруари, по повеќе од 14 месеци бегство. Наместо да заврши во притвор во „Шутка“, тој доби куќен притвор, повикувајќи се на безбедносни закани.
Осомничен и за случајот со Лотарија
Покрај Груби, во истиот предмет е осомничен и поранешниот директор на Лотарија, Перпарим Бајрами, кој исто така е во бегство. Двајцата се товарат за злоупотреби поврзани со набавка на ВЛТ апарати.
Според проценките на МВР, со овој случај државата била оштетена за повеќе од осум милиони евра. Токму поради тоа, Артан Груби останува во куќен притвор додека продолжува постапката.
Беше ставен и на американската црна листа
Неколку дена пред да стане осомничен во декември 2024 година, Груби беше ставен на американската црна листа. На листата тогаш се најде и судијата Енвер Беџети.
Причината беа сомнежи за корупција поврзана со судски предмети. Случајот и натаму останува во фокусот на јавноста, особено по враќањето на Груби во земјава.
Артан Груби останува во куќен притвор со 24-часовно полициско обезбедување, откако Кривичниот суд го прифатил барањето на Обвинителството за продолжување на истата мерка.
