Соученичката ја тепала, а друга снимала со мобилен телефон – Малолетно девојче нападнато во училишен двор на Бит Пазар

Малолетно девојче било физички нападнато во дворот на основно училиште на подрачјето на Бит Пазар во Скопје, информира МВР.

Според полицискиот билтен, случајот бил пријавен вчера во 13:00 часот во СВР Скопје од страна на М.Д. (52) од Скопје.

Тој пријавил дека на 8 мај 2026 година, околу 12:00 часот, неговата малолетна ќерка била нападната од нејзина соученичка.

Во билтенот се наведува и дека настанот бил снимен со мобилен телефон од друг малолетник.

За случајот биле известени стручните служби во училиштето. По целосно расчистување на настанот ќе следуваат соодветни поднесоци.

Share on Facebook

Tweet

Follow us

Save