Ја одвлекол бившата партнерка до неговиот дом во Кисела Вода и брутално ја претепал
16/05/2026 18:45
Основното јавно обвинителство Скопје поведе постапка против 45-годишен маж осомничен за телесна повреда во случај на семејно насилство.
Според информациите, тој ја нападнал својата поранешна партнерка во скопската населба Кисела Вода.
Од Обвинителството велат дека осомничениот на сила ја извлекол жената од домот во кој живеела. Потоа ја влечел и туркал до својот дом, кој се наоѓал во близина.
Откако ја внел внатре, физички ја нападнал.
Според наводите, жената била удирана со шлаканици, клоци и со мобилен телефон. При нападот ѝ биле нанесени телесни повреди, рани и хематоми по главата и телото.
Од ОЈО Скопје посочуваат дека против истиот осомничен и претходно биле изречени мерки на претпазливост. Тие се однесувале на насилство врз неговата мајка и снаата на неговиот брат.
„Последниот настан укажува дека за кратко време тој ги повторува насилничките дејствија“, велат од Обвинителството.
Поради опасност од бегство, Обвинителството побарало за осомничениот да биде определен притвор.
Основното јавно обвинителство Скопје поведе постапка против 45-годишен маж осомничен за телесна повреда во случај на семејно насилство.
![semejno-nasilstvo[1]](https://mkinformer.com/wp-content/uploads/2021/05/semejno-nasilstvo1.jpg "Хорор во Битола: Ја удирал вонбрачната партнерка со столица, па потоа ја силувал")
