САД почнаа напади врз Иран по инцидентот со хеликоптерот, засега регистрирани напади на пет локации
10/06/2026 6:59
САД почнаа напади врз Иран, откако американската администрација соопшти дека акцијата е „пропорционален одговор“ по инцидентот со американски воен хеликоптер AH-64 Apache во близина на Ормутскиот теснец. Според Ројтерс и АП, американските удари биле насочени кон ирански системи за воздушна одбрана, радари и контролни станици.
Централната команда на САД соопшти дека станува збор за „напади во самоодбрана“, извршени по наредба на претседателот Доналд Трамп. Во американските извештаи се наведува дека акцијата почнала околу 17 часот по источно американско време.
Повод за нападите е случајот со американскиот „Апачи“, за кој Трамп јавно го обвини Иран. Ројтерс претходно објави дека екипажот на хеликоптерот бил спасен и дека пилотите се безбедни.
So far, the U.S. has carried out retaliatory strikes in at least 5 locations
Од иранска страна следуваа закани за „решителен одговор“ ако Вашингтон го искористи инцидентот како повод за пошироки непријателства. Во меѓувреме, иранските државни медиуми јавија за експлозии во повеќе делови на јужен Иран, вклучително и во покраината Хормозган и на островот Кешм.
Само неколку часа подоцна, Иран возврати со ракетни и беспилотни напади врз американски цели во регионот, вклучително и во Јордан, Кувајт и Бахреин, објави Ројтерс. Според првичните информации, најголем дел од проектилите биле пресретнати, а немало поголеми повреди меѓу американскиот персонал.
И покрај новата ескалација, Трамп тврди дека САД и Иран се блиску до мировен договор. Според Ројтерс, тој и натаму јавно покажува оптимизам дека е можно да се постигне договор што би спречил понатамошно ширење на конфликтот.
Новата размена на удари дополнително ги зголеми стравувањата од поширок судир на Блискиот Исток. Ројтерс наведува дека развојот на настаните го загрозува и кревкото примирје, но и напорите за обновување на стабилноста во регионот.
САД почнаа напади врз Иран, откако американската администрација соопшти дека акцијата е „пропорционален одговор“ по инцидентот со американски воен хеликоптер AH-64 Apache во близина на Ормутскиот теснец. Според Ројтерс и АП, американските удари биле насочени кон ирански системи за воздушна одбрана, радари и контролни станици.
