Јакимовски на 2 јули треба да се јави во затворот во Шуто Оризари
11/06/2026 13:49
Поранешниот градоначалник на Карпош, Стевчо Јакимовски, на 2 јули треба да се јави во затворот „Скопје“ во Шуто Оризари. Од Кривичниот суд велат дека судија за извршување санкции му издал упатен акт за издржување на затворската казна.
Ова следува откако Апелација ја потврди едногодишната затворска казна за делото бесправно градење. Во делот за злоупотреба на службената положба, предметот е вратен на повторно судење.
Сепак, тоа не значи дека Јакимовски ќе помине цела година зад решетки. Во казната му се засметува и времето што претходно го поминал во куќен притвор.
Според судските информации, тој бил во куќен притвор од 19 март 2019 до 15 август 2019 година. Тоа се околу пет месеци, кои ќе бидат одбиени од вкупната казна.
Тоа значи дека во затвор треба да издржи уште околу седум месеци. Освен ако во меѓувреме не се случи некоја промена во постапката, упатниот датум останува 2 јули.
Поранешниот градоначалник на Карпош, Стевчо Јакимовски, на 2 јули треба да се јави во затворот „Скопје“ во Шуто Оризари. Од Кривичниот суд велат дека судија за извршување санкции му издал упатен акт за издржување на затворската казна.
