Без вода во општина Центар и без струја во Кисела Вода денеска
Денеска дел од скопските граѓани ќе бидат без вода и електрична енергија поради планирани технички интервенции. ЈП „Водовод и канализација“ – Скопје најави прекин на водоснабдувањето во дел од општина Центар, додека ЕВН Македонија АД информира за исклучување на струја во општина Кисела Вода.
Без вода во Центар од 09:30 часот
Водоснабдувањето ќе биде прекинато за корисниците од улиците „Владимир Назор“ и „Кумровец“ во општина Центар. Како што информираат од Водовод и канализација, прекинот е поради изведување водоводен приклучок ф-80 мм на улица „Владимир Назор“ бр. 14. Прекинот започнува од 09:30 часот.
Без струја во Кисела Вода од 10 до 14 часот
Од ЕВН Македонија АД известуваат дека без електрична енергија ќе останат корисниците од улица Герника бр. 1, 4, 5, 6, 7, 8 и улица Сердарот во општина Кисела Вода. Прекинот ќе трае во периодот од 10:00 до 14:00 часот.
Од двете компании се извинуваат на граѓаните за непријатностите и апелираат на разбирање поради неопходноста на интервенциите.
