Со пиштол им се заканувале на 19-годишник, неговиот брат и другар на Бит Пазар

Две лица, од кои едното било вооружено со пиштол, синоќа им се заканувале на 19-годишен скопјанец, неговиот брат и негов другар на подрачјето на Бит Пазар.

Според информациите од полицискиот билтен, случајот бил пријавен синоќа во 23:00 часот во СВР Скопје.

В.К. од Скопје, на возраст од 19 години, пријавил дека околу 20:30 часот бил на подрачјето на Бит Пазар заедно со неговиот брат и другар, со цел да се видат со друго лице.

Едно од лицата им се заканувало со пиштол

Според пријавата, на местото дошол А.Б. со уште едно лице, при што едното од нив со огнено оружје, односно пиштол, им упатувало закани.

Од Министерството за внатрешни работи информираат дека се преземаат мерки за расчистување на случајот.

Share on Facebook

Tweet

Follow us

Save