ОЈО бара притвор за Британец по инцидент во Куклица
17/07/2026 15:58
ОЈО бара притвор за Британец осомничен за напад врз даночни инспектори
Инцидентот се случил на локалитетот „Камени Кукли“
Основното јавно обвинителство Куманово поведе постапка против 41-годишен британски државјанин, осомничен за кривичното дело „спречување службено лице во вршење службено дејствие“, по инцидент што се случил на локалитетот „Камени Кукли“ во селото Куклица.
Според информациите од обвинителството, осомничениот ги попречил двајцата даночни инспектори да извршат службена контрола поврзана со претходно изречена привремена забрана за вршење дејност.
Обвинителството: Фрлал камења кон инспекторите
„Осомничениот фрлал со камења кон даночните инспектори и нивното службено возило, по што тие биле принудени да го напуштат локалитетот“, соопшти Основното јавно обвинителство.
Поради сериозноста на случајот, јавниот обвинител до Основниот суд во Куманово доставил предлог за определување мерка притвор за осомничениот.
Телевизија „Стар“: Станува збор за сопругот на Стојна Димитровска Боотх
Во меѓувреме, телевизија „Стар“ објави дека уапсениот британски државјанин е сопруг на Стојна Димитровска Боотх, која заедно со својот татко Милош Димитровски во изминатиот период се поврзува со спорот околу користењето на локалитетот „Куклица“.
Оваа информација не е наведена во соопштението на Обвинителството, туку е објавена од медиумот.
