Ѓорче Петров со рекордни капитални инвестиции: Над 193 милиони денари реализирани за десет месеци
03/11/2026 12:41
Капиталните расходи во Ѓорче Петров до октомври 2026 година достигнале над 193 милиони денари, што е највисок износ во периодот од 2012 до 2026 година, информираат од Општината.
Според локалната самоуправа, само за првите десет месеци од годинава е надмината целогодишната реализација на капиталните расходи од секоја претходна година во анализираниот период.
Надминати резултатите од сите претходни години
Од Општина Ѓорче Петров посочуваат дека резултатот покажува засилена реализација на капиталните проекти и повисоко ниво на инвестирање во локалната инфраструктура.
Градоначалникот Александар Стојкоски оцени дека средствата од буџетот треба да се претвораат во конкретни проекти за граѓаните.
„Нашата одговорност е средствата на граѓаните да ги претвораме во проекти што го подобруваат нивното секојдневие. Реализацијата од над 193 милиони денари уште во октомври покажува дека поставуваме повисоки цели и работиме на нивното исполнување“, истакна Стојкоски.
Најавено продолжување на капиталните проекти
Градоначалникот најави дека реализацијата на капиталните инвестиции ќе продолжи и во наредниот период.
Од Општината потенцираат дека постигнатиот резултат од над 193 милиони денари претставува највисока реализација во последните 15 години.
Со досегашниот резултат, капиталните расходи во Ѓорче Петров веќе ја надминале целогодишната реализација од сите претходни години во периодот 2012-2026 година.
Капиталните расходи во Ѓорче Петров до октомври 2026 година достигнале над 193 милиони денари, што е највисок износ во периодот од 2012 до 2026 година, информираат од Општината.
Најавено продолжување на капиталните проекти
