Бугарија враќа 19,3 тони јаболка од Македонија поради недозволени нивоа на пестициди
03/11/2026 12:06
Јаболка од Македонија со пестициди над дозволените граници биле откриени при контрола во Бугарија, по што Бугарската агенција за безбедност на храната (БАБХ) забранила влез на пратката.
Станува збор за пратка со вкупна тежина од 19.350 килограми, која ќе биде вратена во Македонија.
Како што соопшти БАБХ, лабораториските анализи утврдиле присуство на остатоци од пестициди над законски пропишаните максимално дозволени граници.
Поради тоа, пратката не ги исполнувала безбедносните стандарди за увоз и продажба на бугарскиот пазар.
Засилени контроли на овошје и зеленчук
Пратката била откриена во рамки на засилените контроли што бугарската агенција ги спроведува врз увезеното свежо овошје и зеленчук.
БАБХ во последниот период спроведува почести проверки на увозните пратки, со цел да се утврди дали производите ги исполнуваат законските стандарди за безбедност на храната.
Во конкретниот случај, резултатите од анализите биле причина пратката да не биде пуштена во промет.
Поради утврдените повисоки нивоа на остатоци од пестициди, јаболката од Македонија со пестициди ќе бидат вратени назад во земјава.
Засилени контроли на овошје и зеленчук
