Македонија гори: Во моментов има 10 активни пожари, најсериозно е во Македонски Брод
04/08/2021 16:47
Во моментов имаме 10 активни пожари, од кои што неколку се сериозни, а другите се од средната категорија и некои каде што гори сува трева, ниско стеблести растенија, грмушки и се далеку од населението“, инфомира директорот на ЦУК, Стојанчев Ангелов за моменталната огнена стихија во земјава.
Според неговите зборови, во моментов најсериозно е во Македонски Брод.
„Таму ветерот го смени правецот и пожарот дојде во близина на едно село. Сериозен пожар имаме и во Пехчево, кој што преминува кон општина Берово. Овде штом се создадат услови, ќе бидат упатени 2 хеликоптери“, рече Ангелов за емисијата „Жешко политичко лето“.
