Пет лица лишени од слобода во Кочани за поседување на наркотични средства
29/03/2025 11:37
На 28.03.2025 година, околу 15:00 часот, полициски службеници од Надворешната канцеларија за криминалистички работи во Кочани ги лишиле од слобода пет лица, поради поседување на наркотични средства. Лицата биле затекнати во патничко возило „мерцедес“ со винички регистарски ознаки, сопственост на Џ.А. од Виница.
При прегледот на возилото, кај С.М. од Кочани биле пронајдени кафеава прашкаста материја и марихуана. Потоа, со судска наредба, извршен бил претрс во домот на Џ.А., при што биле пронајдени дигитална вага и други предмети кои се сомнева дека потекнуваат од кривично дело.
Случајот е пријавен до јавниот обвинител, а по целосно расчистување и документирање на случајот, ќе бидат поднесени соодветни обвиненија.
