(Видео)ПРОТЕСТИ ВО УКРАИНА: На украинците им преседна од самоволието на Зеленски
23/07/2025 8:35
Борбата против длабоко вкоренетата корупција е клучен услов за Украина во процесот на пристапување кон Европската Унија и за добивање милијарди евра западна помош. Но, новиот закон кој ги засилува овластувањата на главниот обвинител, именуван од претседателот, врз клучните антикорупциски тела – НАБУ и САПО – предизвика жестоки реакции.
Иако пратениците го усвоија законот вчера, а многумина предупредуваа на опасностите, претседателот Володимир Зеленски го потпиша истиот вечерта, додека илјадници граѓани протестираа во Киев, Лавов, Дњепар и Одеса. Демонстрантите, вооружени со транспаренти и скандирања како „Вето на законот“ и „Украина не е Русија“, ја обвинија власта за задушување на правдата и враќање кон авторитаризам.
Адвокатката Марина изјави: „Ако не се стави вето, тоа е плукање врз жртвите на фронтот и газење на сето она за што се боревме. Се враќаме во мрачните денови на 2014.“ Слични ставови изразија и други учесници на протестите, предупредувајќи дека законот може да ја загрози евроинтеграцијата.
Законот му овозможува на главниот обвинител Руслан Кравченко да ги презема антикорупциските истраги, отворајќи врата за политички влијанија. Зеленски, во своето обраќање, го оправда законот со тврдење дека постојната антикорупциска структура е неефикасна и случаите вредни милијарди евра „стоија замрзнати со години“.
In Kyiv, Ukrainian protests continue against the government of Volodymyr Zelensky
Defying an imposed curfew, the demonstrations persist against the passing of a new bill that hands over corruption oversight bodies to the Prosecutor General. pic.twitter.com/7GeNEgXrLy
Контроверзата се засили и откако двајца вработени во НАБУ беа уапсени поради сомнежи за соработка со Русија. Првиот човек на НАБУ, Семен Кривонос, го нарече законот „обид за уништување“ на антикорупциската борба.
Реакции дојдоа и од Брисел. Еврокомесарката Марта Кос порача дека е „сериозно загрижена“, нагласувајќи дека владеењето на правото е централна вредност за процесот на преговори со ЕУ.
НАБУ и САПО се формирани по револуцијата на Мајдан во 2014 година, по соборувањето на прорускиот претседател. Тие досега водеа истраги против високи државни функционери, вклучително и блиски до власта. Но, по новите законски измени и неколку контроверзни обвинувања против активисти, антикорупциските борци стравуваат од политички реваншизам и опаѓање на институционалната независност.
BREAKING: Mass protests have erupted in Kyiv, Ukraine against President Volodymyr Zelensky.
This is the first known major protest against the Ukrainian leader.
Thousands of people have turned out in the streets of Kyiv to protest moves by Zelensky’s government to block… pic.twitter.com/lmyGobPgu5
Борбата против длабоко вкоренетата корупција е клучен услов за Украина во процесот на пристапување кон Европската Унија и за добивање милијарди евра западна помош. Но, новиот закон кој ги засилува овластувањата на главниот обвинител, именуван од претседателот, врз клучните антикорупциски тела – НАБУ и САПО – предизвика жестоки реакции.
