Нелегалната градба во Хрватска наскоро ќе стане кривично дело, најави вицепремиерот и министер за просторно планирање, градежништво и државен имот, Бранко Бачиќ. Целта е да се спречи систематското уништување на просторот и да се зајакне правната сигурност.
Министерот истакна дека Владата подготвува пакет закони за прифатливо домување, со приоритет за младите. Националниот план за политика на домување, прв од осамостојувањето на државата, е стратешки документ што треба да обезбеди одржлив развој во следните пет години.
Цените на становите во Хрватска и натаму растат со двоцифрени стапки, што ги прави недостапни за голем дел од граѓаните. За решавање на овој проблем, Владата најавува:
рестрикции за краткорочен туристички наем,
враќање на 600.000 празни станови во функција на домување,
нови решенија преку измените на Законот за просторно планирање и Законот за градење.
Во подготовка е и Законот за прифатливо домување, чија имплементација ќе чини околу 3,5 милијарди евра.
Потпретседателката на Хрватската стопанска комора, Мирјана Чагаљ, нагласи дека домувањето не е само квадратура и цена, туку и клучен фактор за социјална кохезија и одржлива заедница.
Овие теми се во фокусот на овогодинешниот АрхиБау саем, кој трае до 13 септември и е посветен на културата на градежништвото и одржливиот развој.
Нелегалната градба во Хрватска наскоро ќе стане кривично дело, најави вицепремиерот и министер за просторно планирање, градежништво и државен имот, Бранко Бачиќ. Целта е да се спречи систематското уништување на просторот и да се зајакне правната сигурност.
