🗳️ ОДИХР: Изборите беа мирни, но со сериозни неправилности и замаглена граница меѓу партија и држава

Делегацијата на набљудувачите на ОДИХР, која го следеше вториот круг од локалните избори 2025 во Македонија, оцени дека изборите биле мирни и конкурентни, но не и целосно демократски, поради бројни системски слабости.

Во извештајот се наведува дека иако постоела техничка рамка за фер избори, процесот бил засенет од „недоследности и празнини“ во работата на изборната администрација, нерамноправен пристап до медиумите и слаба контрола врз финансирањето на кампањите.

⚠️ Главни забелешки на ОДИХР

• Нееднакви услови за кампања: Не сите кандидати имале еднаков пристап до медиумите и јавниот простор.

• Замаглена граница меѓу држава и партија: Владините претставници биле премногу присутни во кампањите, што ја нарушило политичката рамнотежа.

• Притисоци врз гласачи и купување гласови: Забележани се повеќе случаи на притисоци врз јавни службеници и гласачи, како и сомнежи за купување гласови.

• Следење на гласачи: Набљудувачите регистрирале случаи на често следење на гласачите на денот на изборите.

• Недостатоци во транспарентноста: Ниту една институција не покренала постапка против кандидати кои не ги пријавиле трошоците од кампањата.

• Формализам во работата на ДИК: Изборната комисија групирала жалби и ограничено ги разгледувала случаите, што ја поткопало довербата во правичноста на процесот.

🗣️ Кампањата и медиумскиот простор

ОДИХР оценува дека кампањата во вториот круг била повоздржана, но и натаму присутни биле лични напади меѓу кандидатите и партиските лидери.
Извештајот нотира и дека државните средства за политичко рекламирање биле распределени на начин што ги ставил независните и малите партии во нерамноправна положба.

Иако известувањето на националните медиуми било генерално неутрално, сепак не била обезбедена еднаква застапеност на сите политички субјекти.

📉 Демократска стагнација

Заклучокот на ОДИХР е дека Македонија сè уште не ги исполнува целосно европските демократски стандарди, а постојаното игнорирање на препораките за изборни реформи доведува до стагнација на демократијата и ниска излезност.

Share on Facebook

Tweet

Follow us

Save