Продолжува судењето за случајот со барање мито од 20.000 евра за болнички прием на Геријатрија

Во Основниот кривичен суд во Скопје денеска продолжи судскиот процес против двајца обвинети во случајот за примање и посредување при мито. Судењето го води судијката Ленка Давиткова, а застапник на обвинението е обвинителката Искра Хаџи Василева.

Обвинетите се изјаснија дека не се чувствуваат виновни за делата кои им се ставаат на товар. Според обвинителниот акт, првообвинетиот Арифи побарал имотна корист од 20.000 евра за да овозможи болнички прием на пациентка во тешка здравствена состојба. Второобвинетиот Амити, кој претходно го познавал сведокот, се понудил да посредува во зделката и ја примил паричната сума, при што бил фатен од полицијата на самото место.

Судењето ќе продолжи на 24 ноември со испитување на сведоци предложени од одбраната.

Share on Facebook

Tweet

Follow us

Save