12,7 милиони евра од унгарскиот кредит легнаа на сметките на 39 домашни компании
07/12/2025 10:39
Развојната банка ја реализираше седмата транша од кредитната линија за инвестиции и развој, со која се исплатени 12,7 милиони евра преку деловните банки за 39 одобрени проекти на домашни фирми. Средствата се распределени за едно микро, 21 мали, девет средни и осум големи компании, со што продолжува континуираната поддршка на реалниот сектор.
Најголемиот дел од финансирањето – околу 12,2 милиони евра – се насочени кон вложувања во градежи и опрема, што е сигнал за засилен инвестициски циклус во производствениот сегмент. Дополнително, 243 илјади евра се распределени за проекти во обновливи извори на енергија, а 300 илјади евра за транспортни средства, што го отвора патот кон модернизација и зелена транзиција.
Особено значајно е што 21 од поддржаните проекти се од компании со претежно производствена дејност, што директно придонесува за раст на индустриските капацитети и нови работни места.
Со оваа исплата, вкупната сума која Развојната банка ја префрлила кон деловните банки достигна 203,3 милиони евра од планираните 250 милиони, овозможувајќи реализација на дури 721 проект на домашни компании. Овие вложувања се клучни за забрзување на економскиот развој и подобрување на конкурентноста на македонските фирми.
Развојната банка ја реализираше седмата транша од кредитната линија за инвестиции и развој, со која се исплатени 12,7 милиони евра преку деловните банки за 39 одобрени проекти на домашни фирми. Средствата се распределени за едно микро, 21 мали, девет средни и осум големи компании, со што продолжува континуираната поддршка на реалниот сектор.
