Си Џинпинг и Кир Стармер го зајакнуваат дијалогот: Кина и Велика Британија повикаа на продлабочена соработка
29/01/2026 13:19
Како постојани членки на Совет за безбедност на Обединетите нации и како значајни светски економски сили, Кина и Велика Британија треба да го интензивираат дијалогот и меѓусебната соработка, изјави кинескиот претседател Си Џинпинг на средбата во Пекинг со британскиот премиер Кир Стармер.
Ши истакна дека двете земји имаат заедничка одговорност за глобалната стабилност и дека конструктивната комуникација и практичната соработка се клучни во време на зголемени геополитички и економски предизвици.
Британскиот премиер Стармер, од своја страна, повика на продлабочување на билатералните односи и нагласи дека Лондон е заинтересиран за соработка со Пекинг во области како глобалната безбедност, климатските промени, економијата и меѓународните кризи.
„Одамна јасно ставив до знаење дека Велика Британија и Кина имаат потреба од долгорочно, конзистентно и сеопфатно стратешко партнерство“, изјави Стармер.
Кир Стармер престојува во официјална посета на Кина до 31 јануари, а е придружуван од бројна бизнис-делегација, што укажува на економската димензија на посетата. Покрај Пекинг, британската делегација ќе го посети и Шангај, каде што се планирани средби со претставници на кинескиот бизнис-сектор.
Ова е прва посета на британски премиер на Пекинг од 2018 година, кога Кина ја посети тогашната премиерка Тереза Меј, што дополнително ја нагласува важноста на оваа средба и обидот за ресетирање на односите меѓу двете земји.
Како постојани членки на Совет за безбедност на Обединетите нации и како значајни светски економски сили, Кина и Велика Британија треба да го интензивираат дијалогот и меѓусебната соработка, изјави кинескиот претседател Си Џинпинг на средбата во Пекинг со британскиот премиер Кир Стармер.
