Москва под напад: Соборени 18 дронови, a уништени 120 беспилотни летала
16/02/2026 9:21
Градоначалникот на Москва, Сергеј Собјанин, соопшти дека руските сили за противвоздушна одбрана собориле 18 беспилотни летала кои летале кон руската престолнина.
Според неговата изјава, службите за итни случаи се на терен и работат на локациите каде што паднале остатоците од соборените летала. Засега нема официјални информации за евентуални жртви или поголема материјална штета.
Државната новинска агенција РИА Новости објави дека московскиот аеродром Домодедово привремено ги ограничил пристигнувањата и заминувањата на авионите поради безбедносни причини. Подоцна, мерките биле укинати и сообраќајот бил нормализиран.
🚨🇷🇺 Moscow is under attack by Ukrainian drones, sirens can be heard in the region, — Mayor Sobyanin
Гувернерот на Брјански регион, Александар Богомаз, информираше дека регионот од рано утрово бил под силен напад со беспилотни летала. Според неговите податоци, досега биле уништени 120 дронови.
Руските власти редовно соопштуваат дека најголемиот дел од беспилотните летала се пресретнати или соборени на приодите кон главниот град.
Контекст на конфликтот
Украина започна со напади со беспилотни летала врз Москва и поширокиот московски регион во пролетта 2023 година, со што војната првпат во поголем обем се пренесе и во внатрешноста на Русија. Првичните цели беа претежно симболични, деловни и административни објекти, како и инфраструктура.
Со текот на времето, нападите станаа почести и пософистицирани. Киев ги опишува како легитимни воени операции насочени кон воена и логистичка инфраструктура, додека Москва ја обвинува Украина за таргетирање цивилни цели.
Ситуацијата останува динамична, а безбедносните служби продолжуваат со засилени мерки на заштита.
🚨🇷🇺🇺🇦 BREAKING: Ukraine has launched a massive drone attack against Moscow and the surrounding regions.
A blackout has already occured in Bryansk after arrivals at a substation.
