Променливо облачно време со сончеви периоди, навечер можен локален дожд
24/02/2026 10:40
Времето денеска ќе биде променливо облачно со подолги сончеви интервали. Кон крајот на денот и во текот на ноќта се очекуваат услови за повремен локален дожд.
Во утринските часови ќе биде претежно тивко, додека попладне ќе започне да дува слаб до умерен ветер. Во западните делови ветерот ќе биде од западен правец, а во источните региони и долж Повардарието ќе се засили северозападниот ветер.
Минималните температури ќе се движат од -3 до 3 степени, додека дневните максимални ќе достигнат меѓу 11 и 17 степени.
Времето во Скопје
Во главниот град ќе преовладува сончево време со умерена облачност. Ќе дува слаб до умерен ветер од северен правец. Утринската температура ќе се спушти до -1 степен, а во текот на денот ќе достигне до 14 степени.
Што следува?
Под влијание на поле на висок воздушен притисок, во наредните денови се очекува стабилно и суво време. До петок ќе дува умерен, повремено засилен северозападен ветер, особено изразен долж Повардарието.
Од петок ветерот ќе го смени правецот во југоисточен, а за време на викендот се најавува зголемена облачност.
Времето денеска ќе биде променливо облачно со подолги сончеви интервали. Кон крајот на денот и во текот на ноќта се очекуваат услови за повремен локален дожд.
