ВРЕДИ стана единствена партија: Меџити и Касами избрани за ко-претседатели
11/05/2026 8:55
ВРЕДИ и официјално се трансформираше од коалиција на пет политички субјекти во единствена политичка партија. Одлуката беше донесена на Конгресот на обединување, каде 850 делегати ги усвоија статутот и политичката програма на новиот субјект.
На конгресот беа избрани и новите раководни тела. Изет Меџити и Билал Касами се избрани за ко-претседатели на ВРЕДИ. За генерален секретар е избран Беким Сали, додека Мимоза Муса и Беким Ќоку ќе бидат потпретседатели.
Во своето обраќање, Касами истакна дека политиката треба да биде во служба на граѓаните. Според него, таа не смее да служи за ограбување на државата и за отежнување на животот на луѓето.
Меџити, пак, оцени дека Конгресот е редок пример на политичко обединување во време кога јавноста е навикната на поделби и фракции. Тој порача дека присуството на двајца премиери на настанот покажува дека ВРЕДИ и Албанците во Македонија имаат важна улога во регионалната поврзаност.
На Конгресот присуствуваа и премиерот на Косово, Албин Курти, како и македонскиот премиер Христијан Мицкоски.
Курти оцени дека обединувањето на ВРЕДИ е пример за политичка и граѓанска одговорност. Според него, тоа е и модел за соработка меѓу различни политички организации во регионот.
Од ВРЕДИ соопштија дека новата партија ќе се позиционира како десноцентристичка. Во фокусот, како што наведуваат, ќе бидат владеењето на правото, борбата против корупцијата, економскиот развој, дигитализацијата и целосното спроведување на Охридскиот рамковен договор.
На обединувањето реагираше и ДУИ. Од таму оценија дека овој процес е „почеток на крајот“ на ВРЕДИ.
Според ДУИ, изборот на двајца лидери покажува дека партијата уште од старт е поделена на фракции. Од партијата додадоа и дека дел од функционерите веќе го напуштиле проектот.
Од ВРЕДИ, пак, возвратија дека со обединувањето не се затвора едно политичко поглавје. Напротив, според нив, се отвора ново, во кое младите и професионалците ќе имаат поголема улога во носењето одлуки.
ВРЕДИ и официјално се трансформираше од коалиција на пет политички субјекти во единствена политичка партија. Одлуката беше донесена на Конгресот на обединување, каде 850 делегати ги усвоија статутот и политичката програма на новиот субјект.
