Росоман: Пешак загинал откако во него удрило товарно возило

12/05/2026 9:27

Трагедија во Росоман: Товарно возило удри во 89-годишен пешак, тој загина на место

На регионалниот пат Градско-Прилеп кај Росоман се случи тешка сообраќајна несреќа во која загина 89-годишен пешак.

Како што информира портпаролката на Секторот за внатрешни работи – Велес, несреќата се случила вчера во 18:55 часот.

Товарно возило „Сканиа“ со приколка, со кавадаречки регистарски ознаки, управувано од Р.Љ. (45) од Кавадарци, удрило во пешакот К.Ѓ. (89) од Росоман.

Од здобиените повреди, пешакот починал на лице место. Смртта ја констатирал лекар од Итна медицинска помош – Кавадарци.

СВР Велес соопшти дека за случајот бил известен јавен обвинител, а увид на местото на несреќата извршила увидна екипа од ОВР – Кавадарци.

Околностите што довеле до овој трагичен настан се во фаза на расветлување.