(ВИДЕО) Авион излета на писта во Сплит, снимка од хаос

18/05/2026 13:21

Авион на „Кроација ерлајнс“ излета од пистата во Сплит: 132 патници безбедно евакуирани, започна истрага

Инцидент при полетување кон Франкфурт

Патнички авион на „Кроација ерлајнс“, кој бил на редовен лет кон Франкфурт, вчера доживеал инцидент на аеродромот во Сплит. При забрзување за полетување, леталото излетало од пистата.

Во авионот се наоѓале 132 патници и петчлен екипаж. Според првичните информации, сите поминале без повреди и веднаш биле безбедно евакуирани.

Хаос во кабината пред ударот

Снимка направена од еден од патниците го документира моментот на силно тресење и хаос во кабината, непосредно пред авионот да удри во светлосната сигнализација и ознаките покрај пистата, по што завршил на тревната површина надвор од неа.

WATCH: A passenger onboard Croatia Airlines A220-300 captured the moment the aircraft veered off the runway during its takeoff roll at Split Airport.
📹: Neven Brnjas pic.twitter.com/6DL7Tw5lyY

— Turbine Traveller (@Turbinetraveler) May 18, 2026

Истрагата започна

Истражните органи веќе ја завршиле теренската проверка на местото на настанот. Главниот истражител Данко Петрин соопшти дека сега вниманието е насочено кон детална анализа на податоците од двете црни кутии.

Целта е да се утврдат причините поради кои авионот ненадејно отстапил кон левата страна за време на полетувањето.