Нов ценовен шок на бензинските: Од полноќ поскапуваат бензините и дизелот
18/05/2026 15:30
Регулаторната комисија за енергетика донесе нова одлука со која од полноќ се зголемуваат цените на бензините и дизелот.
Според новата пресметка, бензинот ЕУРОСУПЕР БС-95 поскапува за 2 денари по литар. За 2,50 денари по литар се зголемуваат цените на ЕУРОСУПЕР БС-98 и на дизелот.
РКЕ соопшти и дека цената на мазутот се зголемува за 0,846 денари по килограм. Новата цена ќе изнесува 50,814 денари за килограм.
За разлика од горивата, екстра лесното масло за домаќинство поевтинува за 0,50 денари по литар.
Нови цени од полноќ
Од полноќ ќе важат следните малопродажни цени:
ЕУРОСУПЕР БС-95 – 87,00 денари за литар ЕУРОСУПЕР БС-98 – 89,00 денари за литар ЕУРОДИЗЕЛ БС (Д-Е V) – 92,00 денари за литар Екстра лесно масло за домаќинство (ЕЛ-1) – 93,50 денари за литар Мазут М-1 НС – 50,814 денари за килограм
Што е пресметано во цената
Во оваа пресметка, како што посочува РКЕ, се земени предвид намалените акцизи од 2 денари по литар кај дизелот и бензините.
Воедно, кај бензините е вкалкулиран и намалениот износ на ДДВ од 10 проценти.
Регулаторната комисија за енергетика донесе нова одлука со која од полноќ се зголемуваат цените на бензините и дизелот.
