Левица бара разрешување на Арбен Фетаи: Со месеци не доаѓал на работа, а земал плата
20/05/2026 8:46
Левица најостро реагира на, како што велат, неодговорното однесување на вицепремиерот Арбен Фетаи, обвинувајќи дека со месеци не се појавува на работното место, не присуствува на владините седници и не одговара пред Собранието, а и понатаму ја користи функцијата и бенефитите што се плаќаат од државниот буџет.
Од партијата наведуваат дека во време кога Владата тврди дека нема доволно средства за повисоки плати, поддршка за ученици, здравство и социјални мерки, дозволува функционер кој не ја извршува функцијата и натаму да прима плата и привилегии.
„Ова е класичен пример на расипничко и неодговорно владеење, каде државните функции се третираат како приватна сопственост, а буџетот како партиски плен“, велат од Левица.
Партијата го обвинува и премиерот Христијан Мицкоски за молк и за, како што велат, непостапување и покрај тоа што, според нив, јавно било потврдено дека Фетаи не доаѓа на работа и самиот не се гледа повеќе како дел од Владата.
Од Левица јавно поставуваат две прашања. Првото е колку буџетски средства се исплатени за плати, патни трошоци и привилегии за функционер кој, според нив, не ја извршува својата должност. Второто е дали Владата ќе отвори постапка за утврдување одговорност за несовесно и ненаменско трошење државни пари.
Од партијата бараат итно разрешување на Арбен Фетаи. Бараат и проверка на сите исплати и трошоци направени за време на неговото отсуство.
Во соопштението, Левица оценува дека овој случај уште еднаш ја покажува суштината на актуелната власт, која ја обвинува за ароганција, неодговорност и расипничко трошење на народните пари.
Левица најостро реагира на, како што велат, неодговорното однесување на вицепремиерот Арбен Фетаи, обвинувајќи дека со месеци не се појавува на работното место, не присуствува на владините седници и не одговара пред Собранието, а и понатаму ја користи функцијата и бенефитите што се плаќаат од државниот буџет.
