Радосна вест од Кавадарци: Вчера на 24 мај се родиле седум бебиња
25/05/2026 9:16
Убави вести утринава пристигнаа од Општата болница во Кавадарци, каде вчера на 24 мај, на свет дошле дури седум новороденчиња.
Според информациите, станува збор за четири машки и три женски бебиња, што донесе голема радост и насмевки и кај медицинскиот персонал и кај семејствата.
Раѓањето на седум бебиња во едно утро претставува вистински убав момент за Кавадарци и за целиот Тиквешки регион.
Од болницата уште еднаш беше споделена убавината на најсреќните мигови – доаѓањето на нов живот, кој секогаш носи надеж, среќа и нов почеток.
Оваа радосна вест е убав потсетник дека, и покрај секојдневните предизвици, има моменти што ја разубавуваат реалноста и внесуваат оптимизам.
