Трамп најавува потпишување на договор со Иран, Иранската гарда вели: „Нема да се случи“
Претседателот на САД, Доналд Трамп, објави дека Меморандумот за разбирање со Иран ќе биде потпишан утре (недела). Корпусот на исламската револуционерна гарда (ИРГЦ) на Иран ги негираше тврдењата на Трамп, велејќи дека крајниот рок е обид за вршење притисок врз Техеран .
Трамп инсистира на потпишување
Американскиот претседател на социјалната мрежа X напиша дека потпишувањето е закажано за недела и дека веднаш по потпишувањето „Ормускиот Теснец ќе биде отворен за сите“.
Висок функционер на администрацијата на Трамп изјави дека се очекува договорот да стави крај на војната со Иран во „следните неколку дена“, оценувајќи дека преговорите се завршени 80-85 % . Договорот, според истиот извор, предвидува демонтирање на иранската нуклеарна програма и елиминирање на збогатениот уран, со укинување на санкциите условено од исполнувањето на обврските од страна на Техеран.
Остар демант од Иранската гарда
Спротивно на најавите од Вашингтон, Иранската револуционерна гарда (ИРГЦ) на својот Телеграм канал соопшти дека договорот нема да биде потпишан утре . Во соопштението се наведува дека „необичното инсистирање“ на Трамп договорот да биде потпишан во недела е „тест за иранскиот преговарачки тим“.
Гардата истакна дека иранските преговарачи „експлицитно изјавиле дека меморандумот сè уште не е финализиран и дека потпишувањето во недела сигурно нема да се реализира“.
Портпаролот на иранското Министерство за надворешни работи, Есмаил Багаек, исто така ги отфрли извештаите дека Женева ќе биде место на потпишување, изјавувајќи дека нема планови за патување во Женева или каде било на друго место во наредните неколку дена .
Пакистан: Потпишување за 24 часа
Пакистанскиот премиер Шахбаз Шариф, чија земја е еден од посредниците во преговорите, изјави дека мировниот договор меѓу САД и Иран веројатно ќе биде финализиран во следните 24 часа и дека се очекува да биде потпишан електронски .
„Поблиску сме до мировен договор од кога било. Пакистан се подготвува за електронско потпишување на мировниот договор веднаш потоа, проследено со технички разговори следната недела“, напиша Шариф на X .
Што предвидува договорот?
Според иранските медиуми и дипломатски извори, меморандумот вклучува:
Прекин на огнот на сите фронтови, вклучително и во Либан
Повторно отворање на Ормускиот Теснец
Одмрзнување на иранските средстваво странство. Ирански официјални лица тврдат дека станува збор за 24 милијарди долари, додека други извори споменуваат и повисоки износи
Нуклеарните прашањасе одложени за подоцнежни преговори, кои треба да траат 60 дена
Висок американски функционер изјави дека Иран се обврзал „неодредено да не развива или набавува нуклеарно оружје“, како и да се ослободи од високозбогатениот уран и да ги демонтира нуклеарните локации .
Иран: Победа на бојното поле
Иранскиот министер за надворешни работи, Абас Аракчи, изјави дека Иран извојувал победа на бојното поле во конфликтот со САД, нагласувајќи дека Техеран е подготвен да се врати во војна доколку САД го изберат тој пат .
Претходно, Централната команда на САД соопшти дека американските сили собориле неколку ирански беспилотни летала кои ги таргетирале комерцијалните бродови во Ормускиот Теснец
