Трамп до Иран: Затворете го Ормускиот теснец и „нема да имате земја“
Американскиот претседател Доналд Трамп упати остро предупредување до иранското раководство во врска со Ормускиот теснец, заканувајќи се со воена интервенција доколку Техеран го блокира овој стратешки воден пат.
Директна закана до иранските власти
Во интервју за Фокс Њуз во неделата, Трамп порачал дека Исламската револуционерна гарда (ИРГЦ) не смее да го затвори теснецот.
„Затворете го и нема да имате земја. Нема ни да се вратите во вашата е…а земја“, изјавил американскиот претседател пред главниот странски дописник на медиумот, Треј Јингст.
Потенцијално преземање на водниот пат
Трамп истакнал дека 19 милиони барели нафта поминале низ теснецот во саботата, додавајќи дека САД би можеле да станат „Ангел чувар“ на овој воден пат и да преземат над 20 отсто од нафтата. Тој, исто така, повторил дека би можел да воведе такси за премин за бродовите доколку Иран не постигне договор со Вашингтон.
„Ако не постигнат договор, ние ќе наплаќаме такси за премин“, рекол Трамп, додавајќи: „Можеби ќе го преземеме теснецот ако треба. Ќе ги дигнам во воздух.“
Остри коментари за иранскиот претседател
На новинарско прашање за изјавата на иранскиот претседател Масуд Пезешкијан дека Иран го задржува правото да збогатува ураниум, Трамп одговорил без воздршка:
„Подобро да внимава што зборува. Подобро да се смири или ќе го преземеме остатокот од земјата.“
Разговори во Швајцарија и продолжени борби
Коментарите на Трамп доаѓаат само неколку моменти откако започнаа разговорите на високо ниво во Швајцарија меѓу претставници на САД и Иран, со цел преговарање за долгорочен мировен договор. Претходно оваа недела беше потпишан меморандум за разбирање кој повикува на прекин на огнот меѓу Израел и Хезболах, но двете страни продолжуваат да разменуваат напади, што ги попречува дипломатските напори.
