Во Албанија се бара техничка влада и уставни измени, демонстрантите го притискаат Рама
Демонстрантите во Албанија излегоа на улиците со барања за оставка на премиерот Еди Рама, формирање техничка влада и уставни измени. Протестите, кои започнаа како еколошки, прераснаа во пошироко политичко движење, потсетувајќи на слични случувања во Македонија и Србија.
Барања за уставни измени и ограничување на мандатот
Меѓу клучните барања на демонстрантите се уставните измени што би гарантирале еднаквост за сите граѓани пред законот, кои потоа би биле потврдени на референдум. Протестираат и за ограничување на мандатот на премиерот на максимум два мандата, како и за укинување или поништување на одредени законски иницијативи, вклучувајќи измени на законот за заштитени подрачја и законот за културно наследство.
Нов општествен договор
Организаторите исто така предложија усвојување на “нов општествен договор” меѓу граѓаните и државата, кој би се составил преку консултации со експерти, интелектуалци и граѓани.
Слични сценарија во регионот
Однесувањето на албанските опозиционери, според анализаторите, е идентично со она што се случува во Србија, како и во Македонија за време на Шарената револуција. Во Македонија повод беа прислушуваните разговори, во Србија владеењето на Вучиќ, додека во Албанија протестите започнаа поради екологија, но сега се проширија и опфаќаат и политички барања.
