Средба Лавров – Рубио на маргините на Самитот на АСЕАН

Лавров и Рубио разговараа во Манила, Украина во фокусот

Рускиот министер за надворешни работи Сергеј Лавров и американскиот државен секретар Марко Рубио одржаа средба на маргините на Самитот на АСЕАН во Манила, при што главна тема биле напорите за решавање на конфликтот во Украина.

Средбата, која била однапред договорена, траела повеќе од половина час и претставува уште еден дипломатски контакт меѓу Москва и Вашингтон во период кога се бараат можни решенија за војната.

Москва: Предлозите сè уште се на маса

Пред состанокот, Лавров изјави дека Русија смета оти Соединетите Американски Држави не се откажале од предлозите изнесени на средбата меѓу рускиот претседател Владимир Путин и американскиот претседател Доналд Трамп во Алјаска.

Според дипломатски извор, на кој се повикуваат руски медиуми, иницијативата за средбата дошла од американската страна.

Рубио се сретна и со Ванг Ји

Покрај разговорите со Лавров, американскиот државен секретар за време на Самитот на АСЕАН оствари средба и со кинескиот министер за надворешни работи Ванг Ји.

Средбите во Манила се дел од дипломатските активности на највисоко ниво, во време кога меѓународната заедница се обидува да најде решенија за повеќе глобални безбедносни и политички предизвици.

Share on Facebook

Tweet

Follow us

Save