Норвежанец рано наутро го разбудил сосед кој го повикал за да види чудна ситуација: товарен брод се наоѓал во неговиот двор.
Јохан Хелберг рекол дека спиел во својата куќа во Бинесет, на фјордот Трондхајм, кога соседот Јоштајн Јоргенсен заѕвонил на вратата за да му каже дека товарен брод се насукал во неговиот двор.
„Доколку бродот се удрил во карпестиот раб веднаш до него, ќе се кренел и ќе ја удрил силно куќата. Промашил само за неколку метри“, изјавил Хелберг за ТВ2.
Јоргенсен рекол дека се разбудил само неколку минути претходно, од звукот на бродот што се приближувал. Истрчал надвор и се обидел да го вклучи алармот.
Јоргенсен рекол дека бил изненаден кога дознал дека Хелберг спиел во текот на инцидентот, пренесува Упи.
