Парадата на гордоста 2025 ќе се одржи на 21 јуни во Скопје под мотото „Ќе (оп)стоиме заедно“
15/06/2025 18:25
Наместо традиционален концерт, оваа година манифестацијата ќе биде во форма на протестен марш. Организаторите од Националната мрежа против хомофобија и трансфобија објаснуваат дека промената доаѓа како реакција на тоа што „образовниот систем ги игнорира нивните идентитети“.
„Сè почестото насилство, навредите и исмевањето во училиштата не се случајни – тоа се директни последици од молкот и срамот што го покажуваат институциите. Наместо поддршка, добиваме невидливост. Наместо грижа – негирање. Затоа ќе застанеме пред Министерството за образование, гласни и непокорни, зашто младите го заслужуваат тоа“, изјави активистот Стефан Петровски за порталот САКАМДАКАЖАМ.
Маршот ќе започне во 18 часот од паркот Жена-борец, а по собирањето и кратките обраќања, протестната поворка ќе тргне низ скопските улици во 19 часот.
Наместо традиционален концерт, оваа година манифестацијата ќе биде во форма на протестен марш. Организаторите од Националната мрежа против хомофобија и трансфобија објаснуваат дека промената доаѓа како реакција на тоа што „образовниот систем ги игнорира нивните идентитети“.
