ХОРОР НА АЕРОДРОМОТ ВО МОСКВА. Издрогиран ѕвер, без причина нападна детенце
26/06/2025 17:46
Момче на возраст од една и пол година се наоѓа во кома, откако било фрлено на подот од турист на московскиот аеродром.
Според агенцијата „Сана“, детето добило тешки повреди, вклучувајќи фрактура на черепот и оштетување на ‘рбетниот столб, во напад без никаква провокација. Инцидентот се случил веднаш по пристигнувањето на детето и неговата мајка во Русија.
Сведоците изјавиле дека напаѓачот, пред да го фати и фрли детето кое стоело покрај куфер, гледал наоколу и во момент кога мајката – која е бремена – се оддалечила накратко за да земе детска количка. Без никакво предупредување, напаѓачот го нападнал детето. Моментот од нападот е снимен.
🎥 SHOCKING: A 2-year-old Iranian child was brutally assaulted at Moscow Airport by a Belarusian passenger of Jewish origin.
The family had fled the war in Iran—but instead of safety, they found a nightmare.
The child is now in a coma. pic.twitter.com/yP5hf0nr9i
Руските медиуми го идентификуваа напаѓачот како 31-годишниот Владимир Витков, државјанин на Белорусија. Нападнатото семејство доаѓа од Авганистан и неодамна пристигнало во Русија. Истражителите разгледуваат дали нападот бил мотивиран од расна омраза или други причини.
Витков, според податоците, исто така неодамна влегол во Русија, можеби преку лет од Египет или Кипар, и постои сомнение дека бил под дејство на дрога во моментот на нападот.
Комесарката за права на деца во Московскиот регион, Ксенија Мишонова, остро го осуди случајот, нарекувајќи го напаѓачот „дрогирано чудовиште“ и барајќи тој да се соочи со најстрога казна. Таа им изрази сочувство на родителите, нарекувајќи го случајот „тешко поднослив“.
Руските власти потврдија дека во крвта на Витков биле откриени траги од канабис, а некои извештаи посочуваат дека кај него биле пронајдени и други наркотични супстанции. Тој не бил во состојба да објасни зошто го направил тоа, но на полицијата изјавил: „И јас направив такви грешки“.
Наводно, Витков има ќерка со иста возраст како детето што го нападнал. Жената која ја опишуваат како негова блиска пријателка изјавила дека е во шок од инцидентот. Витков е уапсен и се соочува со обвинение за обид за убиство.
