ЛОКАЛНИТЕ ИЗБОРИ ЌЕ БИДАТ РАСПИШАНИ ВО ПРВАТА ПОЛОВИНА ОД АВГУСТ
22/07/2025 21:35
Претседателот на Собранието, Африм Гаши, најави дека локалните избори ќе бидат распишани во првата половина од август, во согласност со законскиот рок. Според изборниот закон, тие мора да се распишат 70 дена пред завршување на мандатот на актуелните градоначалници и советници.
„Очекуваме уште малку да видиме дали можеме да донесеме неколку закони, за да не го попречиме функционирањето на институциите. Ќе го искористиме секој ден што е можно поефикасно и изборите ќе ги распишеме во рамките на законскиот рок, што значи во првата половина од август,“ изјави Гаши по средбата со градоначалникот на Тетово, Биљал Касами.
По средбата, Касами ги прокоментира кандидатурите што ги објави ДУИ за Тетово и Чаир. Тој оцени дека изборот на Бајрам Реџепи за Тетово и Бујар Османи за Чаир не ги задоволува очекувањата на граѓаните.
„Иако Бајрам Реџепи е висок функционер во партијата, мислам дека не е тоа што Тетово го очекуваше од ДУИ. Тие имаат и други поквалитетни кандидати, но тоа е нивна одлука. Ако ми се даде шанса повторно да бидам кандидат, имаме што да понудиме. За нас најважно е да останеме секогаш на услуга на граѓаните, а тие ќе ја донесат конечната одлука. Што се однесува до Чаир, сметам дека Бујар Османи не е најсоодветен избор,“ рече Касами.
ДУИ вчера официјално објави дека Бујар Османи, поранешен министер за надворешни работи, ќе биде кандидат на коалицијата „Европски фронт“ за Чаир, а Бајрам Реџепи за Тетово.
На овие најави реагираше и Изет Меџити од коалицијата ВЛЕН, кој истакна дека, доколку ДУИ настапи со поранешни функционери, и тој би можел да се кандидира против Османи во Чаир.
Претседателот на Собранието, Африм Гаши, најави дека локалните избори ќе бидат распишани во првата половина од август, во согласност со законскиот рок. Според изборниот закон, тие мора да се распишат 70 дена пред завршување на мандатот на актуелните градоначалници и советници.
