Стевчо Јакимовски ја отвора новата општинска зграда, чекор кон иднината на Карпош
10/09/2025 16:45
Денес, жителите на општина Карпош ќе бидат сведоци на значаен момент – свеченото отворање на новата општинска зграда. Настанот ќе се одржи вечерва во 19 часот, а свечената лента ќе ја пресече градоначалникот на Карпош, Стевчо Јакимовски.
Новата зграда претставува современ административен центар, создаден со цел да им овозможи на граѓаните побрзи, поефикасни и поквалитетни услуги. Таа е проектирана според највисоки стандарди и ќе стане препознатлив белег на општината – место каде што институциите и граѓаните ќе соработуваат уште поуспешно.
„Оваа зграда е повеќе од административен објект – таа е симбол на заедништво, развој и сигурна иднина за сите жители на Карпош“, порача градоначалникот Јакимовски во најавата за свеченоста.
Граѓаните се поканети масовно да присуствуваат на настанот и да бидат дел од овој историски чекор за општината.
