Почна Божикниот пост: 40 дена духовна подготовка до Рождество Христово
28/11/2025 10:29
Православните верници што се водат според јулијанскиот календар денеска го започнаа шестнеделниот Божикен пост, кој ќе трае сè до 7 јануари – денот на раѓањето на Исус Христос. Бидејќи датумот на Божик е фиксeн, постот секоја година започнува на 28 ноември и завршува на Бадник.
Овој 40-дневен пост е востановен по примерот на Христос, кој според Светото писмо постел и се молел 40 дена во пустината. За верниците, постот претставува период на духовно и телесно очистување и подготовка за празникот. Божикниот пост е втор по должина веднаш по Велигденскиот.
Во однос на правилата за исхрана, Божикниот пост се смета за „поблаг“, затоа што дозволува употреба на масло, вино и риба. Според црковниот типик:
Понеделник, вторник и четврток се пости на масло
Среда и петок се строги пости
Сабота, недела и празници е дозволена риба За монасите е препорачано дополнително воздржување, додека за верниците со именден или слава е дадено посебно благословение за употреба на риба.
Постот има за цел да го прочисти човекот не само преку воздржување од храна, туку и од негативни мисли, зборови и дела. За време на Божикниот пост, сите славски трпези традиционално се посни.
Божикните пости се споменуваат уште во делата на светите отци од 4 и 5 век, а во 1166 година на Соборот во Цариград било утврдено траењето од 40 дена, наместо првичните седум.
Православните верници што се водат според јулијанскиот календар денеска го започнаа шестнеделниот Божикен пост, кој ќе трае сè до 7 јануари – денот на раѓањето на Исус Христос. Бидејќи датумот на Божик е фиксeн, постот секоја година започнува на 28 ноември и завршува на Бадник.
