Таткото и „Мисицата на кравите“ од Крива Паланка заработија кривична пријава, гребела полицаец по лице
11/12/2025 17:03
Основното јавно обвинителство во Крива Паланка поднесе обвинителен предлог против три лица – татко и неговите две ќерки – кои се сопственици на стадо со повеќе од 500 крави кои го тероризираа локалното население и нивниот имот.
Таткото и ќерките насилници се товарат за кривично дело „Спречување службено лице при вршење службено дејствие“, поврзано со инцидентот од 2 декември во местото Самоков, во близина на селото Луке, кога на службени лица од Агенцијата за храна и ветеринарство не им било дозволено да спроведат конфискација на крупен добиток врз основа на правосилно судско решение.
Таткото дополнително се соочува со обвинение за загрозување на сигурноста поради упатени сериозни закани кон присутните, а една од ќерките е обвинета за физички напад врз полициски службеник кој бил повикан да помогне во постапката, при што му нанела повреди со влечење и гребење по лицето. Обвинителството наведува дека ваквото постапување ги попречило службените лица да ја реализираат својата законска задача.
Основното јавно обвинителство во Крива Паланка поднесе обвинителен предлог против три лица – татко и неговите две ќерки – кои се сопственици на стадо со повеќе од 500 крави кои го тероризираа локалното население и нивниот имот.
