(Видео)УФЦ шампионот Волкановски ќе биде дел од новото филмско продолжение на „Street Fighter“ заедо со Џејсон Мамоа и 50 Цент
14/12/2025 23:03
Актуелниот шампион на УФЦ, Александар Волкановски, официјално станува дел од холивудскиот спектакл „Street Fighter“, чија премиера е закажана за 2026 година. Првиот тизер за долгоочекуваната филмска адаптација беше прикажан на The Game Awards 2025 и веднаш предизвика огромно внимание кај фановите на игрите и боречките спортови.
Покрај ѕвездени имиња како Џејсон Момоа, 50 Сент, како и ВВЕ ѕвездите Коди Роудс и Роман Рејнс, посебно изненадување беше појавувањето на легендата на УФЦ – Волкановски. Тој ќе го толкува ликот Џо, борец кој иако не е меѓу најекспонираните, ужива култен статус кај љубителите на оригиналната игра.
Во тизерот, Волкановски е речиси непрепознатлив – со густа руса коса и физички изглед што совршено одговара на ликот Џо, кој во играта е американски шампион во кикбокс. Изборот на улогата изгледа логичен, имајќи предвид дека борбениот стил и харизмата на Волкановски целосно се вклопуваат во карактерот.
Филмот носи вистинска парада од култни ликови: – Рју ќе го игра Ендру Коџи – Кен е доверен на Ноа Сентинео – Чун-Ли ја толкува Калина Лианг – Џејсон Момоа се појавува како Бланка – 50 Сент ја добива улогата на Балрог
Проектот јасно е насочен кон глобална публика – гејмери, фанови на боречки спортови и љубители на големи холивудски продукции. Вклучувањето на Волкановски е уште еден доказ за сè поголемото спојување меѓу професионалниот спорт и филмската индустрија.
Иако неговото појавување во тизерот трае само неколку секунди, реакциите на социјалните мрежи се бурни и претежно позитивни. Засега не е познато дали улогата на Волкановски ќе биде споредна или ќе има поголемо значење во приказната, но едно е сигурно – неговото деби во „Street Fighter“ веќе го подигна интересот за филмот.
Премиерата на „Street Fighter“ е закажана за 16 октомври 2026 година.
Актуелниот шампион на УФЦ, Александар Волкановски, официјално станува дел од холивудскиот спектакл „Street Fighter“, чија премиера е закажана за 2026 година. Првиот тизер за долгоочекуваната филмска адаптација беше прикажан на The Game Awards 2025 и веднаш предизвика огромно внимание кај фановите на игрите и боречките спортови.
