Папата Лав XIV свикува конзисториум на кардиналите на 7 и 8 јануари во Ватикан
21/12/2025 9:09
Папата Лав Четиринаесетти ги повика кардиналите на дводневен конзисториум што ќе се одржи на почетокот на јануари во Рим, со цел да му помогнат во управувањето со Католичката црква, соопшти денеска Ватикан.
Официјалниот состанок на Кардиналскиот колегиум е закажан за 7 и 8 јануари, веднаш по затворањето на Светата година 2025, која ќе заврши на 6 јануари. Светата година традиционално се одбележува еднаш во 25 години и претставува важен момент за Католичката црква.
Како што истакна Ватикан, овој прв конзисториум на папата Лав XIV ќе има советодавна улога, кардиналите ќе дадат поддршка и мислења за идните насоки и предизвици со кои се соочува Римокатоличката црква.
