Во периодот од 1 до 31 декември 2025 година, како резултат на редовните сообраќајни контроли што ги спроведуваат полициските службеници од сите сектори за внатрешни работи, на патиштата низ земјава биле издадени вкупно 19.750 платни налози, информираат од Министерство за внатрешни работи.
Од нив, 4.256 прекршоци се однесуваат на непочитување на пропишаната брзина на движење, што и натаму останува една од најчестите причини за сообраќајни несреќи.
🚨 Лишувања од слобода
Во истиот период, 132 лица биле лишени од слобода за безобзирно управување со моторно возило, согласно член 297-а од Кривичниот законик. Од нив:
109 лица – за возење под дејство на алкохол,
3 лица – за возење во забранет правец,
13 лица – за брзо возење во населено место,
7 лица – за брзо возење надвор од населено место.
📊 Други најчести прекршоци
Според статистичкиот преглед на МВР, во текот на декември се евидентирани и:
5.515 прекршоци за неправилно паркирање,
2.010 мерки за управување возило без возачка дозвола,
728 санкции за возење под дејство на алкохол,
1.136 учесници санкционирани за некористење сигурносен појас,
19 мотоциклисти казнети за неносење заштитен шлем,
441 пешак санкциониран за прекршување на сообраќајните правила.
Согласно Законот за возила, од сообраќај биле отстранети:
356 нерегистрирани возила,
187 возила поради техничка неисправност,
110 возачи биле санкционирани за незаконско затемнување на стаклата (фолии).
🚗 Контролите продолжуваат
Од МВР најавуваат дека сообраќајните контроли ќе продолжат и во наредните денови, со апел до сите учесници во сообраќајот да ги почитуваат правилата и прописите, со цел заеднички да се придонесе за побезбедни патишта.
