(Видео)Путин потврди дека Русија добила покана од Трамп за „Одборот за мир“
22/01/2026 11:04
Рускиот претседател Владимир Путин потврди дека во четврток во Москва ќе одржи средба со специјалниот американски пратеник Стив Виткоф и американскиот бизнисмен Џаред Кушнер, во рамки на нова рунда консултации за решавање на конфликтот во Украина, објави ТАСС.
Говорејќи на состанок на рускиот Совет за безбедност, Путин изјави дека разговорите ќе се фокусираат на повеќе клучни теми: Украина, состојбата во Појасот Газа, поканата од Вашингтон за приклучување кон т.н. „Одбор за мир“, како и иднината на руските средства замрзнати во САД.
„Планирам да разговарам за овие прашања со палестинскиот претседател Махмуд Абас, со кого ќе имам средба утре, како и со американските пратеници Стив Виткоф и Џаред Кушнер, кои исто така ќе бидат во Москва за продолжување на дијалогот за украинското решение“, изјави Путин, цитиран од ТАСС.
💰 1 милијарда долари за „Одборот за мир“
Според Ројтерс, Путин потврдил дека Русија е подготвена да уплати 1 милијарда долари од своите замрзнати средства како надомест за долгорочно членство во новиот „Одбор за мир“, меѓународна иницијатива предложена од американскиот претседател Доналд Трамп.
Иако сè уште не е донесена конечна одлука за приклучување, Путин изјави дека руското Министерство за надворешни работи е задолжено да ја анализира поканата и да даде официјален одговор во соодветно време.
🕊️ Напредок во разговорите за Украина
Американскиот медиум CNBC пренесе изјава од Виткоф дека средбата со Путин ќе се одржи во четврток и дека „во последните шест до осум недели е постигнат значителен напредок“.
Ова ќе биде најмалку шести директен контакт меѓу Путин и Виткоф, кои претходно одржале повеќе разговори во Кремљ, како и средба во Санкт Петербург и учество на руско-американските разговори во Алјаска.
❄️ Гренланд: „Не е наша работа“
Осврнувајќи се на тензиите меѓу САД и Данска околу Гренланд, Путин изјави дека Русија нема намера да се меша.
„Тоа дефинитивно не е наша работа. Сметам дека САД и Данска ќе го решат тоа меѓу себе“, изјави рускиот претседател.
Putin has responded to Trump’s invitation to join his new “Peace Council,” and floated a $1 billion contribution using Russian funds frozen under Joe Biden (my translation):
“As for the Peace Council, yes we really did receive a personal message from the President of the United… pic.twitter.com/XIjckkjCCF
Рускиот претседател Владимир Путин потврди дека во четврток во Москва ќе одржи средба со специјалниот американски пратеник Стив Виткоф и американскиот бизнисмен Џаред Кушнер, во рамки на нова рунда консултации за решавање на конфликтот во Украина, објави ТАСС.
