(КОНТАКТ ТЕЛЕФОНИ)Македонци бараат евакуација од Блискиот Исток: Амбасадите во состојба на готовност

01/03/2026 12:11

Сѐ поголем број македонски граѓани кои се наоѓаат во загрозените подрачја на Блискиот Исток побарале помош од дипломатско-конзуларните претставништва и од Министерството за надворешни работи во Скопје.

Како што информираат од Министерство за надворешни работи и надворешна трговија, воспоставен е постојан контакт со сите пријавени лица, а институциите преземаат подготвителни активности за евентуална асистенција и безбедна евакуација, во зависност од развојот на безбедносната состојба.

Амбасадите во Тел Авив, Доха и Абу Даби во координација

Барања за помош пристигнале во амбасадите во Тел Авив, Доха и Абу Даби, како и на СОС телефонот во Скопје.

Од Министерството апелираат македонските државјани кои се наоѓаат во земјите од регионот строго да ги почитуваат упатствата и насоките на локалните безбедносни органи.

Контакт информации за итни случаи

За дополнителни информации и помош, на располагање се следните контакти:

📞 СОС дежурен телефон (МНРНТ):
075/273-732

📍 Амбасада на Република С. Македонија во Доха
+974 50 173 111

📍 Амбасада на Република С. Македонија во Абу Даби
+971 56 441 7532

📍 Амбасада на Република С. Македонија во Тел Авив
+972 54 500 8566
+972 54 967 0546

Поради актуелната состојба на Блискиот Исток, за денес во 18:00 часот е свикана и седница на Советот за безбедност, на која ќе се разгледаат можните импликации врз безбедноста на државата.